Het hofken der geestelycker liedekens
(1577)–Anoniem Hofken der geestelycker liedekens, Het–
Auteursrechtvrij
[pagina xxix]
| |
Al bijt verlichten van eender sterre
Des waren sij vro.
Alle mijnen troost mijn toeuerlaet is Maria soon.
Maer doen sij binnen Ierusalem quamen
Nv wieghen, nu wieghen wij
Die claerheyt der sterre sij niet en vernamen
Des waren sij droef,
Alle mijnen troost &c.
Doen sij ouer tafel waren geseten
Nv wieghen, nu wieghen wij
Doen quam daer Godts Enghel al in secreten
Des waren sij vro.
Alle mijnen troost &c.
Ghij heeren ghij en moghet niet langer beyden
Nv wieghen, nv wieghen wij
Herodes die doet sijn peert bereyden
Des waren sij droef
Alle mijnen troost &c.
Wel op ghij Heeren laet staen v eten
Nv wieghen, nv wieghen wij
Herodes is op sijn paert gheseten
Des waren sij droef
Alle mijnen troost &c.
Doen sij buyten Ierusalem quamen
Nv wieghen, nv wieghen wij
Die claerheyt der sterren sij weder vernamen
Blij waren sij doen
Alle mijnen troost, mijn toeuerlaet is Maria soon.
| |
[pagina xxx]
| |
Sy volchden die sterre in corter stonden
Nv wiegen, nv wieghen wy
Toe Bethleem daer sij dat kindekijn vonden
Blij waren sy doen
Alle mynen troost &c.
Den eenen ginck voor den anderen staen
Nv wiegen, nv wieghen wy
Om dat hy ierst ten offer sou gaen
Des waren sy vro Alle
mynen troost &c.
Sy vielen daer tsamen al opder aerden
Nv wiegen, nv wiegen wy
Sij loofden den Coninck van grooter weerden
Des waren sij vro Alle
mijnen troost &c.
Sij offerden daer myrre wieroock ende gout
Nv wiegen, nv wieghen wij
Sij loofden dat kindekijn menichfout
Des waren sij vro Alle
mijnen troost &c.
|
|
