Het hofken der geestelycker liedekens
(1577)–Anoniem Hofken der geestelycker liedekens, Het–
Auteursrechtvrij
[pagina xxvij]
| |
Te Bethleem opt tvelt verwachtende wat saechder aldaer
gheschien
Och willet ons bedien
Daer ghij v schaepkens waert wachtende.
Die claerheyt als den dach die quam op eenen nacht
Ons omvinc een hemelsche claerheyt
Godts Ingel heeft ons goy tijdinghe bracht
Seggende en vreest niet en maeckt geen swaricheit
Loff Conditor alme syderum,
Et eterna lux credentium
Segt ons, segt ons, &c.
Een vrolijcke blijschap brenghen wij
Dat ons in Bethleem gheboren is
Een salichmaker des volcxs, en dat singhen wij
Van eender maghet die wtuercoren es
Loff conditor alme syderum, &c.
Nae Bethleem gaende soo die Ingel ons geboot
Soo vonden wij een huysken daer veel aen gebrack
Daer noch deure noch vinster te dege aen en sloot
Den muer was getuynt, van riet was het dack
Loff conditor alme syderum, &c.
Int huysken zijnde, doen worden sij verblijt
Mariam siende en Ioseph daer by
En dat soete kindekijn ghebenedyt
Dwelc Godt ende mensche was, dat geloouen wy
Loff Conditor alme syderum, &c.
Noyt moeder en had haer kindekijn soo lief
Dat dat sweert des rouwe haer herte doorsneet
| |
[pagina xxviij]
| |
Als dat minlijck Iesusken door ongerief
Int cribbeken liggende van coude dattet weent
Loff conditor alme &c.
Het cribbeken was hert het kindeken was teer
Het weer was cout het vier was ongestockt
Men sach daer een paer volcx, en anders
niemant meer
Den heirt was cout, daer en was niet veel ghecockt
Loff Conditor alme &c.
Mayken hiet dioncwijf, en mayken hiet di moeder
Die voester hiet oock Mayken soo wie datter na vraecht
Dat kindekijn was haer vader haer soon en oock haer broeder
Twas Godt ende mensch, en sij was moeder
ende maecht
Loff conditor alme &c.
Loff, prijs en eer soo willen wij v bien
Loff Iesus, Maria moeder ende maecht
Met geuouwen handen, en met geboochde knien
Sijt ons doch ionstich als den herderkens
onuersaecht.
|
|