Het hofken der geestelycker liedekens(1577)–Anoniem Hofken der geestelycker liedekens, Het– Auteursrechtvrij Vorige Volgende [Laet ons met herten reyne] Laet ons met herten reyne Louen dat soete kindeken cleyne Het brengt ons wter weynen. Ons is een kint gheboren Een sone gepresenteert Hij comt die helle verstooren Als mensche ghefigureert Hij wil ons alle ghemeyne Verlossen wter pijne Met sijnen bloede alleyne Laet ons met herten reyne. Des moghen wij wel eeren Die maghet die hem droech Den grooten Heere der heeren Die haer niet en verwoech [pagina ix] [p. ix] Weest vrolijck groot en cleyne Dit soete kindekijn Vrijt ons wt alder pijne Laet ons met herten reyne. Die vader van hier bouen Sprack sijnen Engel aen Wij willen die helle verstooren Ende verlossen wijf ende man Gaet totter schoonder fonteynen Maria claer aenschijne Ende segt haer wat ick meyne Laet ons met herten reyne. Groetse mij vrindelijcke Die schoone suyuer ieucht Ende segt haer blydelijcke Sij mach wel zijn verheucht Want sij ende anders gheene Die sal Gods moeder sijn Ick ben met haer ghemeene Laet ons met herten reene. Al binnen Nazarette Quam die Engel Gabriel Ende sprack totter fiolette Met schoone woorden snel Godt gruet v maghet reyne Vol gratien is v aenschijn Godt is met v ghemeyne Laet ons met herten reyne. By v sal noch beclijuen Dat Adam heeft ontvrijt [pagina x] [p. x] Want bouen alle wyuen Soo sydy gebenedijt Ghij sult ontfaen een greyne In uwer herten schryne Des vaders soon alleyne Laet ons met herten reyne. Sij sprack ootmoedelycke Hoe soude dat comen by Ick en kende sekerlycke Noyt man dus verwondert my Dat ick en anders geene Godts moeder soude zyn Mijn hert werdt cout als steene Laet ons met herten reene. Die Engel sprack tot haere O waerde suyuer maecht En weest in geenen vare Het is wonder dat ghy claecht Want ghy sult sonder pyne Baren een kindekyn Ende blyuen maget reyne. Laet ons. Die maget haer conforteerde In dat haer dingel seyt Ende sy respondeerde Ick ben daer toe bereyt. In uwen woorden alleyne Sette ick den wille mijn Siet hier Godts deerne cleyne Laet ons met herten reyne. Gelooft soo moet sij zijn Nv ende tot alder tijt [pagina xi] [p. xi] Bij haer sijn wij ghenesen Sij bracht ons groot iolijt O weerdighe fonteyne Des sondaers medecijne Bidt voor ons alle ghemeyne Laet ons met herten reyne. Vorige Volgende
Auteursrechtvrij Auteursrechtvrij Auteursrechtvrij
Auteursrechtvrij
Auteursrechtvrij