Hier beginnen sommige stichtige punten van onsen oelden zusteren

(45) Van zuster Stijne Goringhes. († 1441)

Dese guede zuster Stijne hadde langer dan dertich jaer in der koekene geweest, soedat si oeck oeren arbeit ende oer mijnne den zusteren mennyge yaeren medegedeylt heeft. Seer getrouwe was si der gemyenten. Want alster wat in die koeken gebracht waert, dat hadde si alte geerne, dattet in den gemyenen pot queme, ende dat die gemyene zusteren daer wal van vueren. Ende alster wat gegeven wert, daer die gemyene⁴⁾ zus[82b]teren niet van en cregen, daer en was oer niet veel van geschiet⁵⁾, want si hadde gemyene mijnne, die over al gebreydet was⁶⁾. Het was ene guede, straeke⁷⁾, eersomme, oprechte maget, ende en condes niet wal gelyden, dat niet rechtuut en scheen. Sij was vuerich⁸⁾ ende trouwe in den gebreken te vermanen, als si yet mercte, dat tegen onse guede gewoenten of tegen die doechden was. Ende hieromme was een yegelick besorcht yet doende, dat beryspens weerdich was, als zuster Stijne bi hem was. Sij was oetmodich ende verworpen in oeren clederen, ende liet oer mit sobere noetdruften genuegen. Want als si nae sancte Pauwels leere noetdruftige spijse ende cleder hadde, daermede liet si oer geerne genuegen^a) ende en begeerde niet meer. [82c] Ende want si inder koekenen veel onleden hadde, soedat si oer gebed ende ander godienstige oefnynge soe wal niet volbrengen en conde, als si geerne gedaen hadde, soe moste si alsoe veel te nouwer den tijt waernemen, in welken dat si wat guedes lezen of dencken conde. Ende onse lieve Here hadde si begavet mit doefheiden, soedat si alle dijnck niet soe

4) hs. gemyne met bovengeschr. e.

5) daar gaf zij niet veel om, dat sloeg zij niet hoog aan.

6) die zich over allen uitstrekte.

7) ook 133d, 135b.

8) voor vuerich is w geschrapt.

a) Verg. Phil. 4:11.

[p. 152]

riedelike¹⁾ hoeren conde. Ende als si dan op der straten genck ende solde te marcte gaen, soe plach si devotelike oer ‘Pater Noster’ ende ‘Ave Maria’ te lezen, ende was vuerich, hoe sij dan oer tijt verhaelen mochte, die si inder koekene overmids onlede versumet hadde. Ende als oer dan yement te muete quam, die oer aenspreken wolde, soe [82d] sweech si al stille^a) ende las oer gebedeken, recht of sijs niet gehoert en hadde, ende pijnden oer aldus dubbelt oer gewijn te doen: Want si was gehorsom ende hielt onse guede gewoente, die daer verbiedet op die strate te callen; ende si hielt dat hilige swijgen, in welken dat oer starcheit²⁾ gelegen was, ende die oeck ene bewaerster alre doechden geheyten is. Ende oec las si oer gebed, daer die tegenwoerdige tijt nuttelike in georbert³⁾ wort, ende pijnden oer aldus oeren voerledenen schaede goddienstelike te verhaelen.

1) gereedelijk, gemakkelijk, goed.

a) Van Florentius Radewijns wordt verhaald, dat hij over straat ging, zoozeer in godsdienstige overpeinzingen verdiept, dat wie hem groette, zijn opmerkzaamheid niet gaande maakte, Biogr. A A U, 28, p. 4. Petrus Horn stichtte door zijn houding op straat de leeken, An. I, 158-159.

2) voor starcheit is stra geschrapt.

3) besteed.