Hier beginnen sommige stichtige punten van onsen oelden zusteren
(1919)–Anoniem Hier beginnen sommige stichtige punten van onsen oelden zusteren–
Auteursrecht onbekend(42) Van zuster Alijt Luykens. († 1441)Dese guede zuster Alijt hadde alte wonderlikeGa naar voetnoot7) groten strijt in den beginne oere bekieringe; ende alsullick gewelt dede si oer, eerdat sijt over conde gevenGa naar voetnoot8) in desen staete te volherden, dat si van groter persen bloet brackGa naar voetnoot9), ende dat si daer oec ene wijl tijts al zieck om te bedde lach. Mer hiernae doe dese strijt over was, wartet allentelenGa naar voetnoot10) beter, ende satte sijt op in oeren herten, dat si hier mitter hulpe Gods volherden wolde totter doot ende dienen onsen lieven Heren trouwelick. Ende dat si dit mit enen volcomenen herten dede, bewees si mitten wercken. Want si gaf oer alsoe gehee[79a]lick totten doechden ende tot onsen gueden gewoenten, datmen uut oere wanderinge mercken mochte, hoe volcomelike dat si tot Gode bekiert was. Sij gaf oer mit alre vuericheit totter doechde der ghehorsomheit, ende pijnden oer in allen dijngen soe onderdanich teGa naar voetnoot11) wesen oeren oversten ende medezusteren, daer si bi te wercke was, dat si daer oec vordel in dede. Het was een eersom ende wallatende | |
[pagina 147]
| |
persoen, soe dattet oer recht wal bevyelGa naar voetnoot1), soe wat dat sij dede. Ende daer hadde si die gracie toe, dat si vredich ende guederhande was oers ommegaensGa naar voetnoot2); ende plach oeck, als si yet hoerde of vernam, dat tot onvreden droech, altoes te vergueden ende op dat beste te vercallen. Ende dese doechde des vreden [79b] mynde si alsoe begeerlike, dat sijt ondertijden op oer solde genamen hebbenGa naar voetnoot3), hadde si den onvrede daermede moegen schutten. Sij was willich inden arbeide, in alsoe veel als si vermochte. Ende mit goddienstiger stilheit pijnde si oer werck te doene, soedat men sie niet veel en hoerde callen, bi wien dat si te wercke was. Want si was sonderlinge tot deser doechde des swijgens ghekiert, soedat si dicwile twie dage of meer in die weke plach te swijgen. Sij wasGa naar voetnoot4) ynnich ende devoet in oeren gebede tot Gode inde plach dicwile die mysse mit tranen te hoeren. Ende soe waerGa naar voetnoot5) dat sijt beholdelickGa naar voetnoot6) der gehorsomheit ende der mynliker bedienstelicheit vercrijgen conde, soe nam si die tijt des gebedes seer nouwe waer. Want [79c] si hadde nu den oelden menschen uutgedaen mit sijnen wercken, ende hadde angedaen den nyen, de nae Gode geschapen is in hilicheit der waerheitGa naar voetnoota). Ende hadde oer aldus nae des propheten woerde, doe si oer bekieren wolde, aelynckGa naar voetnoot7) ende volcomelike bekiertGa naar voetnootb). Want oer herte was nu altemaele ommegekiert tot Gode, soedat si nu niet enGa naar voetnoot8) mynde die werlt, noch die dijnge, die daer ynne sijn. Dese guede zuster Alijt Luykens was Barte Luykens natuerlike zuster, daer in enen anderen boecke van gescreven isGa naar voetnootc). Ende alsoe als si oer zuster was nae den vleysche, alsoe en was si niet myn oer zuster in begeerlicheit der doechden. |
|