Hier beginnen sommige stichtige punten van onsen oelden zusteren

(41) Van zuster Mette Hermens.⁸⁾ († 1441)

Dese guede zuster Mette en hadde hier niet lange gewoent, doe si starf, ende hieromme en wete wi niet sonderlinges van oer te [78b] schryven dan guede punten int gemeyne, die den jongen bekierden menschen, die ierst in cloesteren of in vergaderinge comen, toebehoeren⁹⁾, die in toecomenden tijden myenen te vorderen ende toe te nemen in enen geesteliken ende doegentliken leven. Het was van natueren een alten gueden, slechten, eenvoldigen mensche, ende genck sympelike hene, ende dede oer werck goddienstelick mit luttel woerden. Want vragede men oer, soe antwoerde¹⁰⁾ si; vragede

8) veranderd uit hermen; het register heeft harmens.

9) passen, betamen.

10) hs. antwoede met bovengeschr. r.

[p. 146]

men oer niet, soe sweech si al stille. Mit gienre geveinstheit¹⁾ noch schoenen woerden en conde si oer behelpen, ende daer men dier te doene hadde, en drofte men sie niet senden; mer sympel ende eenvoldich weeren oer zeden van buten. Ende alsoe als si van [78c] buten scheen, soe was si oeck van bijnnen, ende alsoe als si van bijnnen was, soe bewees si oer van buten; soe datmen hieromme tot oer wal seggen mochte, dat onse lieve Here tot Nathanaël segede:²⁾ ‘Siet waerlic enen ysrahelschen man³⁾, daer gien bedroch in en is’^a). Ende wantet aldus gueden, eenvoldigen mensche was, sonder galle der bitterheit, soe plach si een priester van her Floerens huys te heyten: dat onnoesele⁴⁾ lammeken. Mer dese guede eenvoldicheit gebructe si altemaele totten doechden; want si gaf oer tot sympelre gehorsomheit, ende dede rechtuut, als men gedaen wolde hebben. Ende mit sonderlinger mynliker bediensticheit gaf si oer totten⁵⁾ zusteren, ende pijndet aldus vuerichlike te wercke [78d] te setten⁶⁾, dat inden iersten oer waeromme ende opset geweest hadde, doe si onsen lieven Heren began te dienen.

1) hs. gevenstheit met later (?) tusschengeschreven i.

2) na segede is sei geschrapt.

3) na man is dae (eind regel) gevlekt.

a) Joh. 1:47.

4) onschuldige.

5) ten aan den kant bijgeschreven.

6) in practijk te brengen.