Hier beginnen sommige stichtige punten van onsen oelden zusteren
(1919)–Anoniem Hier beginnen sommige stichtige punten van onsen oelden zusteren–
Auteursrecht onbekend(21) Van zuster Gese Tijtes. († 1425)Dese guede zuster Gese was alten lieven, zueten mensche van natueren, soedattet al vrede ende zueticheitGa naar voetnoot9) was, soe [26a] wat oer uuten monde genck. Ende oeck was si soe devoet ende ingekiert tot Gode in oeren gebede, ende plach oer soe vuerichlike te oefnen inder passiën ons lieven Heren, dat sijs van buten niet verbergen en conde voer die zusteren, die onder myssen bi oer lagenGa naar voetnootc). Sij plach ene | |
[pagina 58]
| |
wile tijtsGa naar voetnoot1) in die koekene te wesen, ende dat oetmodige werck dede si seer vrendelick ende goddienstelick. Ende want si dan vake onlede hadde, soedat si ondertijden niet veel tijts en hadde, in welken dat si oer tot oeren gebede ende tot oerselven kieren mochte, hieromme soe plach si der tijt soe veel te nouwer waer te nemen, die si crigen conde. Ende dicwile plach si onsen lieven Heren vrendelike toe te spreken aver oeren wercke mit corten gebedekensGa naar voetnoota). Ende dan plach si onder[26b]tijden tot onsen lieven Heren te seggen: ‘Lieve Here, lijdet nu mit myGa naar voetnootb), want als ic nu tappe, soe wil ic U dan toespreken’. Ende als si onsen lieven Heren aldus ene wile tijts in alre oetmodicheit gedient hadde, soe waert si in ghehorsomheit uutgesant toe Arnhem ende daer was si ene wile tijts moder int zusterhuys tot sante AgnietenGa naar voetnootc); mer het weren doe noch zusteren als wi sijn. Ende als si daer ene wile geweest hadde ende hadde die rechte doechden daer alsoe veel alst in oer was, helpen planten ende oprichten, soe quam si overmyds gehorsomheit weder te huys. Ende doeGa naar voetnoot2) kierde si oer van nyes alsoe gehelick weder tot oetmodicheiden ende tot anderen doechden, alsof si doe noch van nyes begynnen solde onsen lieven Heren te [26c] dienen. Hiernae waert si noch anderwerve hier bijnnen Deventer toe KerstekenshuysGa naar voetnootd) gesat, dat sijt daer solde helpen begijnnen, ende daer solde si oeck moder wesen. In welken huyse si groete armoede ende droeve dage hadde, alsoe alst gewoenlick is, daer men nye vergaderinge pleget te begynnen. Ende in deser armoeden bewees si oer soe rechte lijdsom ende doegentlickGa naar voetnoot3) ende | |
[pagina 59]
| |
was oeck daertoe soe mynlick blijde, dat si hem allen een exempel der doechden was, soedat die ander zusteren overmyds oeren gueden exempel ende der groter lijdsomheit, die si in oer sagen, veel vroeliker weren ende hem te myn te lijden hadden, in dien datGa naar voetnoot1) si alle dinck niet en hadden, dat hem wal noetdruftich haddeGa naar voetnoot2) geweest. Hiernae doe sijs van oelderGa naar voetnoot3) ende ziec[26d]heiden niet wal langer en vermochte, soe quam si weder te huys. Ende doeGa naar voetnoot4) was si soe rechte vroelick ende blijde in onsen lieven Heren, alsof si oerselven ghevonden hadde. Ende van groeter blijtschop, die si van bijnnen gevoelde, indien dat si sach dat si van Marthen dienste weder gecomen was totter enicheit MariënGa naar voetnoota), soe plach si dicwile te seggeGa naar voetnoot5) uut vroelicheit oers geestes: ‘Weest blijde mit my, want ick hebbe mijn stedeken weder gecregen’Ga naar voetnootb). Dese guede zuster Gese hadde sonderlinge devocie ende ynnicheit in sante Beernaerdus, ende doe si lach in oere lester ziecte, ende et bi oeren doode was, soe lach si vrendelick, ende calde al heymelick bijnnen mondes ende segede: ‘Beerndeken, Beerndeken’, ende dit segede sij dicwile mit enen zueten, vreedsomme aensichte, soe[27a]dat die zusteren waerlike myenden, dat sancte Beernaerdus bi oer was, ende dat si daer soe vrendelike mede caldeGa naar voetnootc). |
|