Hier beginnen sommige stichtige punten van onsen oelden zusteren

(10) Van suster Wijce ten Wijnkel. († 1417)

Dese guede zuster Wijce [10b] was oeck een van onsen oeldesten zusteren, want si woende hier al bi onses weerdigen vaders her¹¹⁾

11) boven den regel bijgeschreven.

[p. 27]

Iohans vanden Grondes tijden, soedat si hier oec mennighe armoede gheleden heeft. Het was temaele¹⁾ een eersom²⁾ persoen, wallatende ende geschicket van zeden³⁾, soedat onse huys van oere stichtiger wanderinge scheen verciert te wesen. Si hadde oeck gracie van onsen lieven Heren in die Heilige Scrift, als dat si dat guede dat si hoerde of las, sonderlinge wal conde ontholden. Ende desgelikes conde si enen anderen oec wal wat guets leeren ende seggen. Ende hieromme plach si den jongen zusteren, die ierst gecomen weren, seer vrendelick ende toesprekelick⁴⁾ te wesen ende herdende totten doechden. Ende want si hem aldus doegentlick⁵⁾ ende guederhande toe was, soe hadden si die jonge zusteren [10c] sonderlinge lief, ende plegen tot oer te gaen, alsoft oere alre moder hadde geweest. Si was bereit tot allen oetmodigen swaeren wercke, ende was daer oeck seer vlitich in, doet nochtan⁶⁾ een oelt mensce geworden was. Want het geviel, dat si binae enen helen somer sat ende keymde⁷⁾, alsoft noch een jonc mensche hadde geweest. Ende alsoe⁸⁾ vroelick ende goddienlick⁹⁾ dede si dit, alsof si niet gedacht en hadde, dan dattet alsoe wesen solde. Dese guede zuster was soe begeerich ende vuerich totten gemeynen¹⁰⁾ wercke - ende sonderlinge dat die zusteren overal int gemyene¹¹⁾ deden - dat si, doe si soe oelt was, dat sijs niet en vermocht alsoe lange te staene, dat si den zusteren die cleder mochte helpen wasschen, daeromme nochtan niet of en liet; mer si satte oer cu[10d]pen wat sijder¹²⁾ dan die ander zusteren, ende genc daerbi sitten, ende alsoe plach si te wasschen. Ende in deser doechde der arbeydelicheit scheen si te volherden hent totten enyde oers levens.

1) in alle opzichten.

2) welopgevoed (van goede familie).

3) aangenaam van uiterlijk en manieren.

4) minzaam, verg. affabilis.

5) enen doegentlick toe sijn, best (aardig) voor iemand zijn.

6) zelfs toen zij al...

7) wol kamde.

8) boven den regel bijgeschreven.

9) misschien goddienstelick? dien staat aan het eind van den regel.

10) gewoon, alledaagsch.

11) gemeenschappelijk.

12) lager.