Herbarijs

¶ Tanacetum of tente. Titimalus. Tapsus Tela arania

[193]

TAnacetum. of tente dats reynevane. ende es heet ende droge in den .2. graet. Ende es goet in wonden dranke

[p. 478]

Ende suvert wonden. Ende es goet gedronken jegen vule fistelen. Ende es goet iegen wee doen in den lichame

[p. 479]

[194]

TItimalus es heet ende droge in den .3. graet. Ende dits .1. groene cruut ende heeft blade als wilgen. ende als ment brect of sniit so vloyt melc daer uut Ende dats heet ende wac

[p. 480]

[195]

TEla arania. heeft cracht tegadere te treckene. ende te heilne versce wonden

[196]

TApsus barbatus es cout ende droge. ende heet wolfs kersse. ende heeft sachte blade ende gelu bloemen. ende wast ane oeveren van grachten ¶ Jegen die spenen sal men dit cruut sieden in wine. ende stoven daer die spenen siin. Ende tselve doet. dat hem de zieke daer met vaget als hi gaet ten stoele

[p. 482]