Handschrift Berlijn mgo 185

[lied 92]

MYn ⁺ haep ende myn troest ende al myn toeuerlaet

Dat steet an onser lieuer sueter vrouwen

Here ihesu weet wal hoet in myn herte staet

ic wilt hem toe betrouwen

+ 'MYn': de initiaal is niet ingevuld, er is wel ruimte open gelaten. In het transcript is de 'M' ingevuld.

[p. 317]

1   Ic hebben die werlt soe lange gedient
dat rouwet my also seere
die cierheit wil ic laten of
Ende kieren my tot onsen lieuen heren
Myn haepe ende myn

2   Syn ontfermherticheit die is soe groet
Ic haepe hy en sal my nyet versmaeden
Tot synre schoelen wil ic gaen
ende bidden hem omme genaden
Myn haepe ende myn troest

3   Doe ic in die schoele quam
die schoele der godliker mynnen
die lexsen die waeren my onbecant

[p. 318]

 

dat deden myne werlike synen

 

Myn haepe ende myn

 

 

 

4   Die eerste lexsen dien ic daer vant

 

Dat was ic solde steruen leeren

 

Ende laeten die creiatueren of

 

ende kieren my tot onsen lieuen heren

 

Myn haepe ende myn

 

 

 

5   Sie toegen my alle myne cleeder wt

 

sie deden my myn haer of snyden

 

Sye toegen my an ene mantele die was grau

 

sie leerden my die oerden getyden

 

Myn haepe ende myn

[p. 319]

 

 

 

6   Hoe my doe toe moede was

 

dat een sal ic nyemant claegen

 

Dan ihesus die inden hoege hemel wont

 

die salt my helpen dragen

 

Myn haepe ende myn ⁺

 

 

 

7   Dien dage die worden my alsoe lanck

 

des nachtes en konde ic nyet geslaepen

 

Ic dachte soe dicke in mynen doemen syne

 

hoe icket solde gemaeken

 

Myn haepe ende

 

 

 

8   Als ic auerdachte in mynen moet

 

dat ic die werlt hadde gelaten

 

Soe

+ Op de volgende regel is de kopiiste begonnen met de letters 'Dieue', heeft deze doorgehaald en is de strofe herbegonnen op de volgende regel met 'Die'.

[p. 320]

 

verblyde ic my van herten alsoe

 

Ic verwroude my bauen maete

 

Myn haepe ende myn troest

 

 

 

9   Sueter wyn en dranc ic nyet

 

wt nappen noch wt glaesen

 

Als wt ihesus ouer roeter mont

 

daer mach men vroude wt haelen

 

Myn haepe ende myn

 

 

 

10   Hadden hadden ⁺ bedriechlicke werlt

 

Ende ic moet nv van v scheyden

 

soe mach ic altoes blyde syn

 

na deser corter ellende

 

Myn haepe ende myn

 

 

 

11   Belges v nyet vri edel conyncgyne

 

dat ic v

+ Schrijffout. Ontbreekt hier ook tekst?

[p. 321]

 

soe luttel mynne

 

ic drage v op myn lyf ende oec myn ziele

 

Ende daer toe myne vyf syn

 

 

 

Myn haepe ende myn troest ende alle myn toeuoerlaet

 

Dat steet an god myne heren

 

Hoe geerne wolde ic hem wesen onder daen

 

tot synre ewyger eren

 

Amen