Handschrift Berlijn mgo 185

[lied 90]^{+ +}

1   ENe ⁺ ioncfrouwe kuysch ende schoene
sie heeft den hoegesten prys
Soe wie hoer dient toe loene
hoers dienstes wort hy wys
Sie is bauen allen vrouwen
gesiert an gronre houwen
recht als een lelien rys

2   Sie is een reyn suuer beelde
haer cuyscheit die is groet
Sie heeft een ⁺ eenhoerne wylde
geuangen in hoeren

+ Vanaf hier een andere hand. Deze kopiiste maakt veel schrijffouten.

+ Dit lied lijkt niet te zijn opgenomen in de editie van Hoffmann von Fallersleben.

+ 'ENe': de initiaal is niet ingevuld, er is wel ruimte open gelaten. In het transcript is de 'E' ingevuld.

+ Na 'een' is doorgehaald: 'h'.

[p. 308]

 

uangen in hoeren schoet ⁺

 

Dat was soe sterck van crachten

 

na mensterliken geschaehten

 

Dat hie den hemel op sloet

 

 

 

3   Van steernen draget sie ene croene

 

Die schoenste wal gedaen

 

Sye syt daer inden throene

 

byden vorst van abraham

 

Gecleedet al mytter sonnen

 

maria is genoemet

 

Hoer schemme dat was die mane

 

 

 

4   Een kyndeken lames

+ Schrijffout begaan bij het omslaan van het blad.

[p. 309]

 

wyse

 

an oerren borsten lach

 

Dat was die alre wyseste

 

hie scop den eersten dach

 

Dat was soe mynlicken rydder

 

syn lyden valt hem soe bytter

 

doer ons groet ongeual

 

 

 

5   Syn syde wort hem doer stecken

 

anden cruce myt eene speer

 

Daer mede heeft hie verwonnen

 

die helle myt alle hoer heer

 

Hie verloesede daer syne geuangen

 

nae woenschen ist hem gegangen

 

tot onser lieuer mere

[p. 310]

 

 

 

 

6   Hye stech daer wtten graue

 

die edele vorste hoech

 

myt enen cruce staue

 

syn beneer dat was soe roeet

 

Hye wolde toe hemele kieren

 

myt wonderlike eren

 

verwonnen heeft hie den doet

 

 

 

7   Sye syt al inden throenne

 

by syns vaders rechter hant

 

Daer syngen die engele schoen

 

Sante deus abraham

 

daer is die menscheit by gade

 

Daer verwerue wy alle genade

 

ihesus is hie genoemt

 

 

 

8   Ene maget het sie maria

 

alder genaden is

[p. 311]

 

sie vol

 

Wyl sie ons toe hemele brengen

 

dat vermach sie waerlicke wel

 

Die wille wy lauen alle

 

myt wonderliken gescal

 

dat sie ons daer helpen sal

 

 

 

9   Ene ioncfrouwe saert ende reyne

 

des hiligen geestes schren

 

Wy bidden dy alle gemeyne

 

myt dynen kyndeken cleyne

 

Vergeuet ons onse sunden sunden ⁺

 

myt alle onsen lieuen vrende

 

laet ons dynre beuoelen syn

 

 

 

10   Weset ons ene troesterinne

 

ene roese van yessen

 

als wy van henne moeten

+ Schrijffout.

[p. 312]

 

scheyden

 

staet ons myt genaden by

 

Den rechten wech wilt ons wysen

 

al naden paradyse

 

O mater gracia

 

Amen