Handschrift Berlijn mgo 185
(15de eeuw)–Anoniem Handschrift Berlijn mgo 185–
AuteursrechtvrijDyt is die wise Ga naar voetnoot+ van den hiligen sacrament pange lyngena gloria Ga naar voetnoot+1 NV laet ons allen vroelick wesen
wy hebben den heren seluen ontfangen
dat hemelsche broet is ons gegeuen
der mynnen scat is ons ontdaen
laet ons die spise myt mynnen begeren
soe moeghe wy oer troest ontfaen
| |
[pagina 305]
| |
2 O edele spise O suete here
in v is weelden Ende saedicheit
sie wettent soe wal die v gesmaken
dat gy die ouerste soeticheit synt
wilt ons versaeden myt v selven
want gy die ouerste sueticheit synt
3 Verblydende sal hi ons verbliden
als ons die last waert of gedaen
Ende wy toe den hoegeste saele wert tyden
ende wy toe der hoegester taefelen gaen
Daer sal mynnen myt mynnen versaeden
daer dal die brulloft werden voldaen
4 O al dat der sielen mach gelusten
dat sal daer syn volcoemenlicke
Ende al tot
| |
[pagina 306]
| |
synre luysten roesten
sal hy sye gebrucken vrentelic
men sal daer oec vroelic syngen myt volre vrouden
Ende dat sal dueren ewelic
5 Men sal daer oeck eendrachtelick syngen
men sal daer drynken den edelen wyn
Die de suuer herten verblyden
die here sal seluen schencker syn
men sal daer syngen mit volre vrouden
dier vroude en sal geen eynde syn
6 Nv laet ons bidden den ouersten heren
dat hi ons brenge Int suete lant
daer hem die hiligen altoes lauen
die vroude is der engelen sanck
Want wy die blyscap myt herten begeren
O Ihesus heren dat is
| |
[pagina 307]
| |
u bekant
Amen
|