Handschrift Berlijn mgo 185


[lied 80]Ga naar voetnoot+ 1 Myt desen nyen jaere soe wort ons apenbaren hoe dat een maget vruchtbaere
[pagina 280]
die werlt al verblyt Ghelauet moet syn dat suete kyndekyn gheert moet syn dat maegdelyn nv ende ewelic tot alre tyt 2 Die enghelen syngen schoene hier bauen inden throne marien der maget toe lauen daer dryuen sy jolyt Ghelauet moet syn 3 Doe achte dage waren gheleden soe waert dat kynt besneden al naeder joedscher seden des sulle wy syn verblyt Ghelauet moet syn
[pagina 281]
Ga naar voetnoot+ 4 Drie Conynge wt veren lande die quamen mit offerhande tot alder werlde heylande in eenre corter tyt Ghelauet moet syn 5 Sy gauen ore gauen een yegelic van hoere hauen den kyndekyn toe lauen ende oec der moeder syn Ghelauet moet syn 6 Daer jhesus inder crybben lach toe betlahem dat dat gheschach golt wieroec merre nae hoere manyeren dat gauen sy den kynde te eren Ghelauet moet syn
[pagina 282]
dat suete kyndekyn geert moet syn dat maegdelyn Nv ende ewelic tot alre tyt Amen	voetnoot+ Hier is ruimte gelaten voor een opschrift; niet benut. voetnoot+ Links van blad 281 is tekst in een andere hand zichtbaar in de rug; op de foto is niet te zien wat dit is.