Handschrift Berlijn mgo 185


[lied 79]Ga naar voetnoot+ 1 Gheselleken nv laet ons vrolic syn ende laet ons roesken lesen die enghel heeft ons die bosscop gebracht wie sal daer droeuich moegen
[pagina 277]
wesen 2 Och wonder bauen alle wonder mer dat wy hebben vernaemen hoe dat des edellen gades soen wtten hemel is neder gecoemen 3 Dat heeft gedaen een reyne maget van gade wal seer gepresen god heeft sy waerlic wal behaget wie sal daer droeuich moegen wesen 4 God is gebaren ter myddernacht van eenre maget gepresen Marien oetmoet heeft hi bedacht dus wilt oetmoedich wesen
[pagina 278]
5 In betlahem is hi gebaeren die Conynck bauen allen heren groet armoede heeft hi seer wtuercaren ende ons gelaten ter leren 6 Nv merket die stede synre weerdicheit een crybbe wast daer hi in rusten Och bedden noch plumen waeren daer bereyt dus schuwet mit hem wallusten 7 Een os ende oec een eselkyn al byder crybben stonden sy verwarmden dat suete kyndekyn daert lach in doekerkyn gewonden
[pagina 279]
8 Drie Conyngen groet wt veren lande sy syn gecoemen ter steden sy brachten hem mynlic hoer offerhande wilstu offeren doet dine gebede 9 Maria syn moeder ende tkynt gepresen in lyden syn sy beyde gestelt laet ons mit hem in liden wesen wy werden verloest van des viandes gewelt Amen	voetnoot+ Hier is ruimte gelaten voor een opschrift; niet benut.