Handschrift Berlijn mgo 185


[lied 48] 1 Ic sie die mergen steerne Jhesus claer aenschyn hi weckede my mit liden danck hebbe die here myn 2 Wat is daer dat my wecket endemy niet slapen en laet
[pagina 168]
ic wyl die werlt laten ende al hoer toeuerlaet 3 Dat byn ic rydder coene een heer die voer v stryt wanneer wyldi my loenen al mynen arbeyt 4 Ghenade here genade siet aen uwes selues lot ic solde v gaerne dienen condyc of mochtyc noch 5 Het geet vast aen een eynde hoe geerne waer ic daer Daer ic mit claeren bekennen die waerheit mochte verstaen 6 O ziele gy staet soe stylle gy en comet my niet soe nae dat gy mit claren bekennen die
[pagina 169]
waerheit mochte verstaen 7 O ziele gi staet soe stylle gy en comet my niet soe nae dat gy mit claren bekennen die waerheit mochte verstaen 8 Ghenade here genaede Och lieue here myn ic solde soe geerne volbrengen den liefsten willen dyn 9 Och ziele lieue ziele nv doet den willen myn bauen alle gescapen dyngen suldi die liefste syn 10 Sal ic bauen allen dyngen die alre liefste syn soe drage ic v op myn wesen want here dat is doch dyn
[pagina 170]
11 Och dat een gheestelic herte hem soe becommert in deser tyt dat god of syne genade geen stede in hem en vynt Amen