Handschrift Berlijn mgo 185
(15de eeuw)–Anoniem Handschrift Berlijn mgo 185–
Auteursrechtvrij
[pagina 165]
| |
ende sy hem daer niet en vant
den heren dien sy sochte
sy weende oec alte hant
3 Ende doe sy mitten rouwe
dus seer al was beuaen
daer vant sy enen ackerman
in oeren wege staen
4 Wat ist dat gi sucket
Maria magdalena
ic sueke mynen heren
Jhesus van nasarenen
5 Sy hoerdent aen synen woerden
ende oec aen synre spraken
syndy dit gebenedide troest
die my van sunden heeft verloest
6 Jhesus mit uwen brunen oghen
gi steelt my myne synnen
| |
[pagina 166]
| |
ic wilt marien clagen
dat ick beroeuet byn
7 Claegdy dat mynre moeder
dat wil ic aen v wreken
ic wyl v alsoe doen mynnen
v herte sal v te breken
8 Brecty my myn herte
soe nemet my myne ziele
soe wil ick mit v woenen
soe en schieden my nye soe lieue
9 Die wech is alsoe suete
ten hemelryke wart
van lelyen ende oec van roesen
my verlanget nader vaert
10 Van lelyen ende oec van roesen
ende oec van akeleyen
ende daer
| |
[pagina 167]
| |
heer Jhesus woenet
daer bloeyet al van beyden
11 Die wyn is opgesteken
dat vat is opgedaen
daer lopen vyf ryuieren
wy willen dryncken gaen
12 Die wyn die daer wt vloeyet
die is van sulker aert
die doet die droefheit wyken
die ons die vroude gaeft
Amen
|
|