Handschrift Berlijn mgo 185
(15de eeuw)–Anoniem Handschrift Berlijn mgo 185–
Auteursrechtvrijdit is die wyse van henrick strangen | |
[pagina 152]
| |
1 Lebuynus een edelle prynce
verheuen soe is hi groet
alom den kersten geloue
soe dede hy wonder groet
Ende hi is waerlic guet
O alre liefste vader
staet ons by in alre noet
2 Wt engellant is hy gecomen
al in dat duytsche lant
al van den ouersten conynck
waert hi al daer gesant
Ende hi is waerlic guet
O alre liefste vader
staet ons bi in alre noet
3 Myt hem heeft hi genaemen
dat nye testament
ende is daer hen getagen
daer hem heeft god gesant
ende hi is waerlic guet
O alre
| |
[pagina 153]
| |
liefste vader
staet ons by in alre noet
4 Als hi daer is gecoemen
soe hebben sy hem versmaet
mer weynich gueder lude
die volgden synen raet
Ende hi is waerlic guet
O alre liefste etcetera
5 Hoer concilium was aenstaende
als dat Ga naar voetnoot+ gew[]n[] Ga naar voetnoot+ was
die ouersten gyngen te rade
op enen gesetten dach
Ende hi is waerlic guet
O alre etcetera
6 Lebuynus die edelle prynce
quam doe by hem gestaen
mit bysscoplicken gewade
soe was hi omgedaen
Ende hi is waerlic guet
O alre liefste
| |
[pagina 154]
| |
7 Een cruce had hi ontfangen
in sinre rechter hant
den gheloeue wolde hi hem leren
ende maken den hem becant
Ende hi is waerlic guet
O alre liefste etcetera
8 Als hi sy wolde bekeren
ende geuen hem gueden raet
doe worden die wrede sassen
van herten alsoe quaet
ende hy is waerlic guet
O alre liefste etcetera
9 Sy worden op hem ontsteken
van herten alsoe wreet
sy hadden den hiligen vader
doe geerne gebracht ter doet
ende hi is waerlic guet
O alre liefste vader
staet ons by in alre noet
10 Mer die hilige engel des he ren
| |
[pagina 155]
| |
heeft hem van daer ghebracht
dat hoere nergent ene
hem doe niet bet en sach
ende hi is waerlic guet
O alre
11 Daer nae heeft hi geleuet
soe mennyge lieue tyt
des waren die guede kersten
van herten seer verblyt
ende hi is waerlic guet
O alre liefste vader
12 Guede leer heeft hi gegeuen
syn exsempel was seer groet
daer nae is hi gestoruen
van deser werlt doet
ende hi is waerlic guet
O alre liefste
13 Toe Jherusalem is hi geuaren
al in dat vaderlant
daer sal hi
| |
[pagina 156]
| |
ewelic blyuen
als hem is wal becant
ende hi is waerlic guet
O alre liefste vader
staet etcetera
14 Een kerke is hem gestichtet
toe deuenter inder stat
al op die selue stede
daer hi begrauen was
ende hi is waerlick guet
O alre liefste vader etcetera
15 Syn lichaem is verheuen
al op den hogen choer
wie dat hem wil versueken
die mach hem vynden daer
ende hi is waerlic guet
O alre liefste
16 O deuenter hoge veste
hebt altoes gueden moet
lebuynus die hilige prynce
steet v by in alre noet
ende hi is waerlic guet
O alre liefste vader
staet ons by in alre noet
| |
[pagina 157]
| |
Amen
|