Handschrift Berlijn mgo 185

[lied 42]

dit is die wyse Ic sach myn here van vallekensteyn

1   Ic wil me ende ic wil mee

[p. 150]

 

vander werlt soe wil ic scheyden

 

heer Jhesus is die liefste myn

 

nae hem soe wil ic beyden

 

 

 

2   Och edelle here van hemelryke

 

nemet ons in uwer genaden

 

gy hebt ons alsoe duer gecost

 

mit uwen hiligen bloede

 

 

 

3   Ick sach Jhesus aenden cruce staen

 

sal hi daer lange aen dueren

 

soe wil ic onder den cruce gaen

 

ende helpen marien trueren

 

 

 

4   Ick sach Jhesus aenden cruce staen

 

myn alre liefste mynne

 

dat ic hem niet gehelpen en kan

 

dat breket my myne synne

 

 

 

5   Och ziele dat moet ommer syn

[p. 151]

 

ende gi moet ommer liden

 

ick leet wal xxxiij jaer

 

ende al om uwen willen

 

 

 

6   Ick heb een heymelic vonckelkyn

 

in mynen herten geuonden

 

dat verlicht die ziele myn

 

het quam wt Jhesus wonden

 

 

 

7   Wanneer ic Jhesus ansie

 

myt synen hiligen wonden

 

soe doet my myn hert soe we

 

van mynnentlicken wonder

 

 

 

8   Wal hen ende laet ons blyde syn

 

dat gaet nae onsen begeren

 

wil Jhesus onse hulper syn

 

soe en mach ons nyemant deren

 

Amen