Handschrift Berlijn mgo 185
(15de eeuw)–Anoniem Handschrift Berlijn mgo 185–
Auteursrechtvrij
[pagina 92]
| |
die rode wyn
men schencket den lieuen gasten
sy moeten lutter syn
men schencket den lieuen gasten
sy moeten vrolic syn
2 Die meye dien ic meyne
dat is die suete god
hi gynck al op eertryke
hi leet daer mennygen spot
3 Die meye wyl die meye
die gae an christus hant
hi henck daer aen den cruce
daer hem die mynne toe dwanck
4 Sie wy aen dat cruce
hi henc daer naket ende bloet
mit bloede al auer beronnen
dat hi doer ons wtgoet
5 Sie wy aen syn voeten
sy syn mit nagelen doerwont
an alle syne liue
daer en was oec niet gesonts
| |
[pagina 93]
| |
6 Sie wi aen syn armen
sy syn wyde opgedaen
hi wil ons arme sundaren
tot sinre genaeden ontfaen
7 Sie wi aen syn hande
sy syn mit nagelen doerslagen
wi sullen christus liden
in onsen herten dragen
8 Sie wy aen syn houet
dat is mit doernen doerwondet
die god van herten mynnet
syne ziele wort hem gesont
9 Sie wi aen syne syde
syn herte is wyde opgedaen
daer sullen die edelle zielen
des smorgens in vermeyen gaen
10 Die meye wil die meye
Die
| |
[pagina 94]
| |
neme des meyes waer
hi henck in volre brusen
die ons die maget gebaerden
11 Die joncfrouwen daer ter tafelen gaen
die engelen schone syngen
maria is keyserynne
Jhesus sal schencker syn
12 Daer schencket men den vader
den soen den hiligen geest
in godtelicker mynnen
mit vrouden alre meest
R Op des cruces aste
daer bloeyet die rode wyn
men schencket den lieuen gasten
sy moten lutter syn
men schencket den lieuen gasten
sy moeten vroelic syn
Amen
|
|