Handschrift Berlijn mgo 185
(15de eeuw)–Anoniem Handschrift Berlijn mgo 185–
Auteursrechtvrijdit is die wyse Trueren moet ic nacht ende dach ende hebben swaer verlangen om een1 Ellendich is dat herte myn
ellende moet myn leuen syn
ellende heeft my doerscaten
Ellende is in my soe groet
sy castyet my bauen maten
2 Voel beter waert ellendich te syn
dan ic vergete die liefste myn
van niet my heeft gescaepen
mit synen hiligen bloede verloest
die en wil ic nvmmer meer laten
3 Myt recht sal hi die liefste syn
daer ic om doge soe groete pyn
van buten ende van bynnen
ende daer ic oec om deruen wyl
| |
[pagina 89]
| |
genoechte mynre synnen
4 Hem beueel ic my geheel
die waerlic is dat beste deel
dat yemant mach vercrygen
al soldet my costen myn leuen al
ic wyl hem gestadich blyuen
5 Och ic en mach rusten nacht noch dach
tot dat ic hem beschouwen mach
al inder hoechster mynnen
ende suetelic gebrucken mach
in alle mynen synnen
6 Dan is myn droefheit al gedaen
ende myn ellende toemael vergaen
als ic hem mach beschouwen
al in dat hemelsche vaderlant
dat vol is alre vrouden
7 Troest my suete lief alleyn
al ander troest is my te cleyn
ontsteket
| |
[pagina 90]
| |
myn herte van bynnen
mit uwer ewiger sueticheit
ende laet my niet alleyne
8 Myn herte dat doget soe grote pyn
dat ic dus moet verscheyden syn
van mynen lieuen heren
hier om wil ic dat cruce omvaen
ende mit christus steruen leren
9 Mit christus anden cruce te staen
ende hem mit mynnen om te vaen
in steruen alre dyngen
dat maket ons sinen beelde gelick
die voer ons steerf van mynnen
10 In deser tyt en vyndic niet
ten is al liden ende verdriet
dan god alleen te mynnen
dat steruen is soe menchuolt
van buten ende van bynnen
11 O cruce O doet O hertsen
| |
[pagina 91]
| |
pyn
wanneer sal ic verledighet syn
van uwer bitterheiden
als ic ten saligen leuen gae
soe suldi van my scheyden
12 O leuen alre sueticheit
myn herte moet weerden wtuerbreyt
om v geheel te ontfangen
die my alleen vernoegen mach
nae di staet myn uerlangen
Amen
|
|