Een hantboecxken inhoudende den heelen Psalter des H. propheete Dauid

Een gheestelijck morghen liedt.

Op de wijse. Salich is hy bedeghen. Oft op: Ick hoorde een Maechdeken singhen. Oft op den naeuolghenden thoon.

Ick danck u lieue Heere,
Dat ghy my hebt bewaert:
In desen nacht met eere,
Daer in ick lach beswaert:

[fol. 82v]

 

 

Met duysterheyt bevanghen,

 

En oock in grooten noot,

 

Twelck ick al ben ontganghen,

 

Godt door u hulpe groot.

 

 

 

Met Sanck wil ick u louen,

 

O ghy mijn Heere goet:

 

In den Hemel hier bouen,

 

My oock den dach behoet:

 

Hierom stort ick mijn beden,

 

Macht dijnen wille zijn.

 

Leydt my in dijner vreden,

 

En breeckt den wille mijn.

 

 

 

Laet my Heer niet afwijcken,

 

Van dijner rechter baen:

 

Helpt my Sathan ontstrijcken,

 

Opdat ik niet dole zaen:

 

Bewaert my door u gauen,

[fol. 83r]

 

Dat bid ick vierichlijck,

 

Voor Sduyvels listich drauen,

 

En aenual gierichlijck.

 

 

 

Wilt my tghelooue gheuen,

 

Aen Jhesum Christum altijt:

 

Vrijt my vant sondich leuen,

 

Op deser aerden wijt.

 

Ghy sult my niet ontsegghen,

 

Wat ghy my hebt belooft,

 

Christus wil op hem legghen,

 

Mijn sonden ongheclooft.

 

 

 

Gheeft my oock hope crachtich,

 

Die niet tot mismoet staet:

 

Daer by die liefde machtich,

 

Tot hem die my versmaet.

 

Dat ick hem duecht bewijse,

 

Niet soeckende proffijt,

 

Vliedende sweerelts gijse:

 

Gheueynst en hypocrijt.

 

 

 

Laet my u woort bekennen,

 

Voor dese weerelt fel:

 

Dat ick oock sonder spennen/

 

Niet spaere goet, noch vel.

 

Al dat my mach verleyden,

 

Van dijne waerheyt claer,

 

Wilt my dear af verscheyden,

 

In Jhesu Christo daer.

 

 

 

Laet my den dach voleynden,

 

Met lof des naemens dijn:

[fol. 83v]

 

Laet my niet van u weynden,

 

Doet my ghestadich zijn.

 

Bewaert my lijf en leuen,

 

En die vruchten opt Lant,

 

Wat ghy my hebt ghegheuen,

 

Staet tsamen in u hant.

Als den nacht naeckt.

Dijn lof Heer ick ghewaghe,
Voor dijne weldaet al:
Die ghy my desen daghe,
Bewijset in dit dal.
Dijnen name wil ick prijsen,
Die daer alleen is goet,
Wilt my met u lijf spijsen,
En lauen met u reyn bloet.

U dient alleen die eere,

U dient alleen den prijs:
Dat ick in duecht vermeere,
Gheeft my ghenaed wijs.
Dat wy met vrede ontslapen,
Sonder wanhopen hier,
Gheeft ons gheloouens wapen,
Teghen des duyuels vier.