Een hantboecxken inhoudende den heelen Psalter des H. propheete Dauid


Dat loefliedt. Christe qui Lux es et Dies.
Op den naeuolghenden thoon. Christe die dat licht zijt en den dach, Voor wien verborghen niet syn mach, Ghy zijt des Vaders schijnsel snel, Leert ons den wech der waerheyt wel. Wy bidden u Goddelijcke cracht, Bewaert ons Heere desen nacht, Bewaert ons van den quaden hier, Godt Vader der ghenaden fier. Verdrijft den swaren slaep Heer Christ,
[Folio 49r]
Dat ons niet deert des vyants list, Castijt dat vleesch op dat reyn sy, So syn wy veeler sorghen vry. Als ons die ooghen slapen zaen, Die herten laet syn opghedaen, Beurijt ons Godes Rechterhant, En quijt ons wt der sonden bant. Beschermer dijner Christenheyt, Dijn hulp altijt voor ons bereyt, Helpt ons o God wt allen noot, Door dyne heylighe wonden root. Ghedenckt Heere der swarer tijt, Daer in dat lijf gheuanghen lijt, Verlost die Siele Ihesu goet, Die ghy hebt ghecocht met u reyn bloet. God Vader sy lof, eere, en prijs, Prijs sy synen Soone wijs, Prijs sy den heylighen Gheest gheseyt, Van nu aen tot in der eeuwicheyt.