Een hantboecxken inhoudende den heelen Psalter des H. propheete Dauid

Psalm. CXLI. Domine clamaui ad te.

Is een ghebedt, dat ons Godt nae syn woort ende wille leyden wilt, ende de valsche Leeraers keeren, ende der Tirannen aenslaghen beletten wille.

Op de wijse. Der torecht spricht es ist kein Gott. Oft op den C XXXIX. Psalm.

OCh Heer ick roep tot u alleen,
Haest u seer neerstlijck, en cloecke:
Verhoort mijn stem en clagen ghemeen,
Wanneer dat ick u aenroepe:
Mijn ghebedt dat laet u aenghenaem zijn,
Ghelijck een schoon Roockoffrandt fijn,
En het opheffen van mijne handen,
Dat sy u een auondt Offrandt goet,
Och Heer doch mijnen mondt behoedt,
En bewaert mijn lippen van schanden.

En neycht mijn hert niet tot eenich quaet,

Noch tot gheen ongoddelijck wesen:
Vanden boosen my niet verleyden en laet,

[fol. 183r]

 

Noch eeten van hun spijs mispresen:

 

Al staet my die Rechtuaerdighe schoon,

 

Nochtans sal my dat wel soo wel doen,

 

Als Balsam op mijnen hoofde:

 

Daerom so bidde ick u alleen,

 

Dat my de boosen niet schaden ghemeen

 

Noch en wilt hun dat niet ghedooghen.

 

 

 

Ouer eenen steen laet struycklen nu al,

 

Hun leeraers alle ghelijcke:

 

Soo sal men dan mijn leer oueral,

 

Hooren, dat sy is liefflijcke:

 

Ons ghebeent dat is verstroyt seer fel,

 

Tot inden affgrondt al vander hel,

 

Glijck een die doorwortelt het lande,

 

En glijck deerde seer hooch op hoeff,

 

By den ghenen die daer een graff groeff,

 

Drom helpt ons Heer met u handen.

 

 

 

Mijn ooghen die sien op u Heer, Heer,

 

En op u lieffelijcke handen:

 

Ick betrou u, en verstoot niet seer,

 

Mijn Siele in eenighe schande,

 

Bewaert my Heer doch voor den strick,

 

En wt de laghen die my soo dick,

 

De boose spannen allglijcke:

 

De Godloosen die moeten allegaer,

 

In hun eyghen netten vallen: maer

 

Voor by gaen ick gstadelijcke:

 

 

 

Eer sy den Vader, en den Son. etcetera. 6.