Haerlemsche eerlycke uren, bestaende in korte sin-spreucken, kloecke antwoorden, en vreemde bejegheninghen

Sommige seggen 't is Hontachtig, den selven wegh te keeren die zy eens gegaen sijn: Maer 't is Beestachtig als zy 'tso maken dat'er weerkomst slimmer als den uyt-gangh is.

LActantius Benuci siende datten Gouverneur van Spoleto ghevanghen te Romen wierde gebracht, seyde: Dese Mensch heeft de meeste avonture van de Weerelt, aenghesien hy uyt Romen voor Gouverneur is ghetrocken, en komt als Legaet (dat is beyde een gebonden en Gezant te seggen) daer weder binnen.