Haagse liederhandschrift
(1940)–Anoniem Haagse Liederhandschrift–
Auteursrecht onbekend1. 't Gheviel, dat ic mi soude vermorgen
Op ene reviere van sueter locht,
Ene maget vand ic daer omverborgen
Van scone gelate, als mi dochte.
5[regelnummer]
Ich pensde, of ic se spreken mochte,
Ende gruete se, doe ic daerwert trat;
Si sprac: Cnape, god loen u dat!
| |
2. Ic sach die maget vissche vangen
Met eere hengel, cleyn ende groet;
10[regelnummer]
Al die meeste si liet gangen,
Die mijnste had si snel gedoot.
Dit was een dinc, dat mi verdroet,
Dat si se niet en warp in 't vat;
Daer is niemant sonder dat!
| |
3. | |
[Folio 64rb]
| |
15[regelnummer]
Si sprach: cnape, wes u gevoecht,
Dat dunct u emmer best gedaen;
Hij 's selich, die hem daertoe boech
Buten pade niet te gaen,
[...............]
Om myede, om gelt, no om scat;
20[regelnummer]
Daer is niemant sonder dat!
| |
4. Die mayt sprach, die haer wel verstoet:
Die liede en siin niet eensgesint,
Elc dinct 't sine wesen goet,
Wes hi mitterdaet beghint.
25[regelnummer]
Is, dat u al die werelt mint,
Sonder een, die u is hat:
Hi seget: ghi ne sijt niet sonder dat!
| |
5. Wes u ter werelt nu is tegen,
Dat dunct u quaet, so wie dat doet;
30[regelnummer]
Wie kan sulker werken plegen,
Dat al den luden duncket goet?
't Folc en is niet eensgemoet:
Die eene wilt telch, d'ander blat,
Daer ys niemant sonder dat!
| |
6.35[regelnummer]
Vonde men nieman sonder lac,
Die had groet voerdeel hir in 't leven.
Die mayt seyde ende sprach:
En heb's niemant horen geven;
Doch 'et comt den bosen even,
40[regelnummer]
Dien die tongen in scampe is glat,
Daer is niemant sonder dat!
| |
7. Een dat, dat u die bose geeft,
Onverdient, wat leyt er an,
In der tijt, die ghi hier leeft?
45[regelnummer]
Bevel it god, die loenen kan
Na verdiente, is 't wijf, is 't man;
Al vint die boese haest siin gat,
Daer is niemant sonder dat!
| |
8. Dese wanckel tijt staet selden stil,
50[regelnummer]
Zoe wael hem, die die ziin is goet.
Hi is salech, die mit vryen wil
God na siinre macht voldoet.
| |
[Folio 64va]
| |
Daer ne bat wijsheyt toe noch moet,
Als d' aventure dreyt dat rat;
55[regelnummer]
Daer is niemant sonder dat!
| |
9. Wilde elc hem selven dan bezien,
So souden swigen, die nu spreken;
Nochtan siin lude wal, indien
Dat si leven sonder gebreken;
60[regelnummer]
Ten jonxten daghe, als god sal vreken
Na verdient in elke stat;
[Daer is niemant sonder dat!]
| |
10. Ic sprac: joncvrou, begerdi yet?
[...............]
Si sprac: cnape, neen ic, niet;
65[regelnummer]
Brake u yet, dat waer mi leet;
Woudi mi seggen, hoe ghi heet?
Ic wille weder desen pat,
Daer is niemant sonder dat!
| |
11. [Daer is niemant sonder dat,]
70[regelnummer]
Die ye ter werelt wert geboren,
Sonder Hi, die 't al besat.
Hi maecte locht, eerde ende coren
[...............]
In der werelt, ys't droge, ys 't nat,
El niemant dan Hi sonder dat!
Explicit
|
|