Haagse liederhandschrift

104. [Sint ich mach gantz nach minen wil]

Sint ich mach gantz nach minen wil,
So yst mich allent gaer eyn spil,
Nu ich mich haen versonnen.
Was he mich ye hayt afgewonnen,
Des houde he hem, als he das wan,
Nicht anders ich ghevluechyn kan.
Miin verlies das tel ich cleyne,
Zint ich gantz unde reyne
Lijf onde eere hayt beholden;
God die moet's voertan gewolden,
Unde moet mich nemen in siere waren.
Ich wil hem gerne laetsen varen,
Unde nicht meer geren.
Alzulcher meren
Die willic voertmeer ave wesen.
Ghelooft si god, ich ben genesen.

Adieu Adyeu mamye.

104*. [Zwei sprüche]

Wederstoet is zulc tijt goet,
Nu merct, wat dogeden dat hi doet:
Hi doet den mennegen saten,
Die leven soude in ommaten.

Die avonturen doet affen risen,
Ende versmaet den vroeden wisen;
Die vroede wise moet se copen,
Den affen comt si toegelopen.

Cui maior intellectus, minima fortuna.