Haagse liederhandschrift

52. [In steden dienste wil ich bliven]

In steden dienste wil ich bliven,

[fol. 29vb]

 

Onderdanich goeden wiven

 

Emmer, waer ich henen vaer.

 

Oech so willich openbaer

5

Den vrouwen altoes spreken goet.

 

Et's reden, want des mannes moet

 

Overmids der vrouwen troest

 

Uut menneger sorghen wert verloest,

 

Men is hem billic daerom hout.

10

Men kan ghesteyn, cruut noch gout

 

Te volle bi hem gheliken.

 

Conde ich yet, ich sout doen bliken

 

Altoes tot haren besten.

 

Lijf ende moet dat wil ich vesten

15

In haren dienste mijn leven uut,

 

Want alle doghet uut hem spruut.

 

 

 

hophen