Haagse liederhandschrift

35. [Was gheit vor werde wive groys]

Was gheit vor werde wive groys
Mit lieflich ogenbliche?
Ein man sich billich vruden moys,
Dem si gewerden diche.
Du salt den vruden, werden man,
Der guetlich des verdienen kan,
Das dich ein goet wijf heiles gan,
So wert dich billich sorgen boys
Und allre sweren strijche.

Du alre zuesen zuezicheit,
Und alre doegden crone,
Du alre zalden zelicheit
Und alre scuenden scone!
Das dreyt allein din werde lijp,
Du zuetz tsiaren wijflich wijp,
Mannes leyt bistu verdrijp,
[...............]
Du gheys al heil zÜ lone.

Was mach men zagen me van wiven?
Si sint alles loves wert;
Ir lovelich lof zÜ vollen scriven
Worde alle meysteren zÜ hart.
Du minnentliche reyne vrucht,
Bis wol behÜet in eren tzucht,
Och god, of ich verwerven mÜcht,
Das du mich woldes leyt verdriven,
So wer mich vruden vil bescert.