Haagse liederhandschrift
(1940)–Anoniem Haagse Liederhandschrift–
Auteursrecht onbekend
[Folio 13va]
| |
Ane lat
Daer lief met leyde wert dordrongen,
Dat deyt alden mengen jongen,
Und eer tzide werden gra,
Und leget der goeder hertz na.
5[regelnummer]
Daer lief von lieve scheit,
Und lief met leyde wert erleyt,
Dat's wee vor alle wee[...]
So lyever geeft der vruden,
Und ouch die hertz mee bezwert.
10[regelnummer]
War lief met leide wert ernert,
Daer vruden rast in lach,
Daer geyt groes ongemach
Liggen und heeft zwar gemude.
Reyne wijf, om rechte guyde,
15[regelnummer]
Din herts in tzuchten dwinge,
Das dir niet lief zo leyde bringe,
Das radich dir oprechte goet!
Comstu in einen hoegen moet,
't Zi an ritter ofte knecht,
20[regelnummer]
Om god, so hout ter orden recht,
Die der minnen toebehoert!
So ne wert niet lief met leyde erstort,
Das mannich surlich moys arnen!
Was helfet arme min warmen?
25[regelnummer]
Die sich selver nicht verziet,
Des helft al min warnen niet!
't Is van vrouwen zeer misdaen,
Wan si met gonsten hebben ontfaen
Moit, sin, an eynen man,
30[regelnummer]
Sullen zijs vergeten dan,
Of he anders yet mesdede,
Dan he uten lande rede,
Ond merde ene corze zijt?
Want men om menige zache rijt
35[regelnummer]
Uten lande weder ende vort:
Menich hadde gerne ein goet wort,
Ende volget darom der wapen na.
Reyne wijf, dit versta,
| |
[Folio 13vb]
| |
Verghilt den hogen arbeyt
40[regelnummer]
Mit gerechter stedicheit!
Wiltu vruden rast behalden,
Das moes stedicheit behalden,
Sint he dich in truwen mint,
Und hertz und zin bi dich verynt,
45[regelnummer]
Und vil liever bi dich bleve.
Al war't zake, dat hem dreve,
Das he us dem lande moys varen,
Dorch noet of om have sparen,
Wildese das in arge nemen,
50[regelnummer]
Das ducht mich vil evel tsemen
Menich rijt om sire vrouwen wil
Uten lande, dat hi gestil
Ende niet en wil, dat men zeget
Vrintscap, di he zo ir dreget;
55[regelnummer]
Si souts hem billich weten danch.
Mer is ir wijflicheit zo cranch,
Das se dan in tzwivel velt
Ende an ein anderen verzelt,
So is wijflicheit volmeten.
60[regelnummer]
Soude ze zins darom vergeten,
Dat he dorch noet, dor mannes heer
In Prisen vor, oft over meer,
Over berg, over anders war?
Ir hertz soude zin in groesen var,
65[regelnummer]
Ende dogen anxt van sinen live;
Das tsemet wol ein reynen wive.
Die vuren wil ein wijflich leven,
Die ne sal ir niet in zwivel geven.
Las
|
|