De Gulden Passer. Jaargang 60

Virtutem honor sequitur.
Adampliss. Anthonium Verancium Episcopum Agriensem.

162.

Marcellvs duo templa struit, virtutis, honorum.
Hoc sed non patefit nisi praestes inclytus ausis,
Vnica nam porta immittit, nec peruia cuiuis.
Praeposuit templum virtutis, limina tanquam
Alterius, quisnam leuiter tot praemia laudis
Consequitur, multum ni sudet, & algeat heros?
Ardua virtutis primùm ergo semita, victa
Molliter in suaues demum deducit honores.
Horum sint memores, famam qui fortè perennem
Exoptant, solidis seseq́ue laboribus ornent.