De Gulden Passer. Jaargang 60

Ius & Philosophia.
Ad Aon. Palearium.

161.

Sergivs implicitas vicio, & seruire coactas
Aedes vendiderat, quas cùm Gratidius vltro
Reddere venales statuisset, subticet eidem
Seruitium, prior id quod norat herus pretiumq́ue
Testaretur onus, sed fraudibus euocat emptor
Auratam, & coram tractari iudice litem
Exposcit, vicium siluit quod venditor illi.

[p. 112]

 

⁺ Sed quid opus fuerat domino, authoriq́ue subinde

 

Significare malum expressè, qui conscius esset?

 

Prôin Sophiam, rectorum & fundamenta professi

 

Mentem, animumq́; vident, agier bene & inter amicos

 

Praecipiunt, ius sed linquam factumq́ue recensent.

 

Nititur externis potius, nec paruula lucrum

 

Fraus dirimit, certis lites claudantur vt annis.

 

Est sapiens igitur qui res intelligit altas,

 

Et sibi quae constant semper non obuia quaeque:

 

Consilium prudens variat sic rebus agendis,

 

Et tractat sese multò res inferiores.

+ 222, 223.