De Gulden Passer. Jaargang 60

[p. 107]

⁺ Noctuae cur Platano abigantur.
Natali de Comitibus.

+ 212, 213.

156.

Est pietas erga natos, στοργή τε πελαργοῖς,

Casibus aduersis prouidet undique amor.

Haec, quoniam insidiae nocturnae saepe diurnis

Sunt magis obscurae, peruigilare solet.

Noctua cùm pullos cupit & remouere tenellos,

Mox folijs Platani territa, & acta fugit.

Sed cur hanc tantùm fugiat si noctua, quaeris,

Occultam praeter, caussa subesse potest.

Est sterilis, quare semper contraria nocti,

Proli nocte operam quippe subinde damus.

Vel quia nox studijs tribui melioribus aptè

Debet, quò vtilitas digna sequatur opus.

Noctua cornicis poenam, lumenq́ue veretur;

Dum media illius surripit oua die.