De Gulden Passer. Jaargang 60

[p. 93]

⁺ Nusquam tuta fides
Ad Petrum Sambukij parentem suum.

+ 184, 185.

131.

Dvm rigidos artus elephas, dum membra quiete.

Subleuat, assuetis nititur arboribus:

Quas vbi venator didicit, succidit ab imo,

Paulatim vt recubans belua mole ruat.

Tam leuiter capitur duri qui in proelia Martis

Arma, viros, turrim, tergore vectat opes.

Nusquam tuta fides, nimium ne crede quieti,

Saepius & tutis decipiere locis.

Hippomenes pomis Schoeneïda vicit amatam,

Sic Peliam natis Colchis acerba necat.

Sic nos decipiunt dedimus quibus omnia nostra:

Saltem conantur deficiente fide.