De Gulden Passer. Jaargang 60

Simul & semel.

95.

Qvaeritvr, & tantum iactatur lite perenni,

Vtrum prius fuerit, grauis

Incus, an duro qui verbere malleus illum

Fatigat. Hanc discordiam,

Nobis, quod caussas ignorat, prodit ineptum

Vulgus, nec audit candidos.

Quippe Deus menti nostrae simul indidit vsus,

Poscebat illa cùm duo.

Omnia momento potuit perfecta creare,

Dedit & simul minutula.

Non spacium, aut tempus tum partibus intercessit,

Cor, hepar item copulat.

Ne nimis haec igitur curarum separet ardor,

Non superet haec opinio.