De Gulden Passer. Jaargang 60

160. Ordo.

Vne voye est ordonnee

Qui la viande donnee
Conduict dedans les boyaux:
Et puis vne autre qui meine
Le cours d'une douce halaine
Iusques aux esprits vitaux.

La preuoyante nature

D'vne sage couuerture
Ces deux canaux ordonna
Afin que toute la chose
Qu'au monde elle tient enclose
Par ordre se gouuerna.

S'il aduient qu'vne miette

Ou bien quelque gouttelette
Tienne du vent le canal
Il rendra la toux facheuse
Qui luy sera douloureuse
Et fera beaucoup de mal.

Il n'y a rien en ce monde

En qui plus de bien abonde
Qu'en vn ordre bien gardé
La tourbe sans ordonnance
A tousiours fait grand nuisance
Et al le bien retardé.