De Gulden Passer. Jaargang 60

159. Cura publica.
Petro Victorio.

Ie m'esleue dans l'air pour voller les oyseaux

Dont ne suis retiré par l'appetit des eaux:
Ie vay mon droit chemin, & du tout ie m'addonne
A suyure le gibber se sauuant dedans l'air.
Nature m'a donné l'addresse de voller,
Et vollant, du plaisir à mon maistre ie donne.

La faim ne m'en retire, or' que par les deserts

Ie vaise pour suyant l'entour de l'uniuers:
Car ie prens mon plaisir chassant en ceste lice.
Pleust à Dieu qu'vn tel soing eussent ceux qui sont mis
Gouuernans le public sur les peuples submis,
Chacun pourroit ainsi viure sans auarice.

Mais toy, tu vas domptant le loisir curieux

Dont en estudiant tu es victorieux.
Tu aimes antquité en la faisant reuiure.
Et ie pry' qu'en cela t'aye vne mesme ardeur:
Ie ne crains ce faisant le coust & le labeur
Pourueu que ie te puisse heuresement ensuyure.