De Gulden Passer. Jaargang 60

132. Alchimiae vanitas.

Pourquoy ce charbonnier se met-il en sueur?

Pour disioindre s'il peut à force de chaleur
Les meslez elements? pourquoy par grand despense
Et aussi par le feu quiert-il la quinte essence
Qui ne fut & n'est point? vn vouloir imparfait
Et vu folastre esprit fait faire ce quil fait.
Quel gaing en aura-il? gaing de pauurement viure.
Quel' rage tient le sens de l'homme qui veut suyure
Et qui veut rachepter d'vn bien qui est certain,
Le reuenu doubteux d'vn miserable gaing?
Ne te prometes par prix l'esperance fermee:
Car ce que sot fera, ne sera que fumee.