De Gulden Passer. Jaargang 60

129. Virtute duce.
Ad Barth. Marantham.

Ceux la qui on prins la cure

D'esclaircir de la nature
Les difficiles secrets
Auec les raisons encloses,
Ceux-la de toutes les choses
Sont remerqueurs de plus pres.

La flamme est vne fumee,

Ce disent-ils, allumee,
Ce qui est bien approuué
Par le philosophe sage,
Qui curieux, de toute aage
L'a bien souuent esprouué.

Ceux qui ont prins leur naissance

De maison sans cognoissance
Et de parens non congneuz
Resemblent à la fumee
Qui auec la renommee
Sont pour vertueux tenus.
Ceste esclairante lumiere
Leur donne noblesse entiere
Et leur augmente l'honneur:
Ainsi ceux qui en leur vie
Ont leur maison anoblie
Sont compagnons de lueur.