De Gulden Passer. Jaargang 60

105. Persei fabula.

Persee iadis trencha

La teste qu'il arracha
Des espaules de Meduse,
Mais Pallas luy donna charge
De se cacher soubz sa targe
Afin d'euiter sa ruse.

Ceux qui se sont addonnez

Aux plaisirs mal ordonnez
De leur chair delicieuse,
Ceux la ne pourront iamais
Sentir quels sont les bienfaicts
De Minerue studieuse.

Les vices sont abatus

Par le bien-faict des vertus,
Et la doctrine est portee
Iusque aux hommes suruiuans
D'icy à mille & mille ans
Par la docte renommee.

Par la guerriere Pallas

Venus est mise par bas,
Voila la gloire laissee,
Voila le fruict sauoureux
Laissé aux champs bien-heureux
De Mycene par Persee.

Vn beau-faict cheualereux

Rend vn escriuain heureux
Il luy donne nourriture
Il le faict viure à tousiours
Et luy donne vn si beau cours
Que mesme il passe nature.