De Gulden Passer. Jaargang 60

104. Tolerantia.

L'homme qui est magnanime:

A tousiours l'esprit sublime,
Et ne craint l'aduersité:
Preuoyant le malencontre
Il s'enhardist a l'encontre
Et garde sa liberté.

Comme au lieu d'vn beau branchage

Vn autre se faict passage
Et verdoye peu apres,
Ainsi l'esprit qu'on tourmente,
Au trauail tousiours augmente,
Et s'enforce tout exprés.

Ce qui a son origine

De l'excellence diuine,
Par labeur n'est point dompté:
Tousiours par labeur & peine
Moindrist la puissance humaine,
Dont l'esprit est conforté.