De Gulden Passer. Jaargang 60

86. Casus interdum naturam supplet.

Si quelqu'un d'entre vous a veu choses estranges,

Qu'il confesse hardiment les diuerses mêlanges
De Nature et sort une, & come bien souuent
Nature deffaillant fortune va deuant.
Vn veneur poursuyuoit vne truie deserte
Dont il perça le ventre, & par la playe ouuerte
Sur l'heure elle ietta ses petis tous viuans,
Qui en sa propre mort commencerent leurs ans.
Ainsi par aduenture on luy vit bien parfaire
Cela qu'en cochonnant possible ell' n'eust sceu faire.
Ainsi Bacchus iadis print naissance en la mort
De sa mere bruslant' dont imperfaict il sort,
Et en retrouue vne autre: ainsi que sans grand' peine
Ils sortent d'une morte & d'une qui est plaine.
Ainsi l'Ourse donna sa mamelle a succer
Ainsi par le hasart on se sent aduancer.