De Gulden Passer. Jaargang 60

63. Neminem sors continet sua.
Ad se ipse.

Personne n'est content de sa propre fortune,

Ceste imperfection est à chacun commune
De priser tousiours plus & mesmes desirer
L'estat de son prochain, or qu'on deust empirer.
Le marchand estonne' d'une petitte perte
Voudroit la teste auoir d'un morion conuerte
Pour se faire soldat: & les hommes lectrez
Voudroyent n'estre iamais aux colleges entrez:
Mais bien plus tost au lieu des sciences cogneues
Ils voudroyent par les champs conduire les charrues.
Le laboureur aussi alors qu'il void grester,
Ou qu'il oit dans le ciel vn foudre grumeler,
Il crie des bourgeois la vie trop heureuse,
Et despite tousiours la sienne soucieuse.
Ainsi chacun se sent conduict par le desir
Et veut maintenant l'un, & puis l'autre choisir:
Mais Dieu qui est puissant retient la cognoissance
De ce qu'auons besoing: il ne faut donc qu'on pense
De luy imposer loy: le riche n'a rien plus

[p. 47]

 

Qu'un poure souffreteux: cil qui pour les escus

 

Va iusques aux Indois martyriser sa vie,

 

Celluy la n'en a point l'ame plus assouuie.

 

Toute chose, se pert comme la poudre en l'air,

 

On comme les ruisseaux que lon void escouller.

 

Le seul amour de Christ, bien qu'au monde lon meure

 

Comme le vray thresor à tout iamais demeure.