De Gulden Passer. Jaargang 60

62. Aesculapius.
Ad Volfangum Lazium Polyhistorem.

Le serpent au baston, le hibou, le poussin,

La barbe, le chappeau, & de santé l'image:
Sont les enseignemens que l'antiquité sage
Donnoit a Aesculape, & à tout medecin.

Sou malade doibt estre exactement conduict

Par vn regime bon, c'est pourquoy lon apreste
Le poussin pres de luy: le hibou l'admoneste
Que tousiours les douleurs se rengregent de nuict.

Bien qu'il ayt esté nay du Delien Phoebus

Qu'on dit estre sans barbe, il ne faut pas qu'il pense,
Estant ieune de sens, de prendre l'arrogance
De guarir tout ainsi que les sages barbus.

Aesculape barbu eust pour pere Apollon,

Pour monstrer que les maux se changent d'heure en heure:
Qu'il se garde donc bien que quand trop il demeure
Il ne laisse eschapper la viste occasion.

Par luy de toute mort le vouloir est deceu

C'est pourquoy lon luy baille vn chappeau sur la teste.
Voila d'vn medecin la parfaicte conqueste,
Et pour tel, mon Lazi, Viënne t'a receu.