De Gulden Passer. Jaargang 60

37. Diuitiae inutiles.

La Plane de Xerxes fut beaucoup renommee,

Et pourtant elle fut tout autour enfermee:
Mais que seruent let biens, si non pour en aider
Aux pauures souffreteux que l'on void quaimander?

Ie n'estime iamais ny plaisir ny delice,

Du bien dont on ne peut retirer le seruice:
Car pourquoy ne voudroy-ie aider mes bons amis
Des biens, dont à foison l'usage m'est permis?

He'! que ceux la sont folz, lesquels par esconduire

Sont hays d'un chacun, qui n'en faict que mesdire:
Car celuy est tousiours des plus grands ordonne'
Qui donne & ne prend rien de ce qu'il a donne'.

Mais si tu veux ouurir le ventre de la terre,

Pour rechercher les biens que dedans elle enserre,
Combien-trouueras tu de biens delicieux
Cachez indignement dans le profond des creux?