De Gulden Passer. Jaargang 60

36. Πολυπραγμοσύνη.

Le singe est pris souuent dans les laqs qu'il sçait faire,

Lors que de l'homme il veut les lassets contrefaire
Ainsi celuy qui vient sans raison s enquester
Faict vne faute grande, & se sent arrester
Aux filets qu' à autruy il auoit pense' tendre,
Par auoir trop voulu folement entreprendre.

Que sert il de vouloir se contrefaire ainsi,

Et pour toute la peine en auoir du soucy?
Car bien que pour cela l'on ayt en recompense,
Si est-ce qu'il vient en fin plus de nuisance.
Du pauure cordonnier le singe mal faisant
S'estrangla de soy-mesme en le contrefaisant.

Conduis toy librement en ce que tu peux faire,

Te temerant si bien que quand tu veux complaire
A ton pauure prochain & luy aider du tien,
Que parauant tu sois plus soigneux de ton bien.