De Gulden Passer. Jaargang 60


8. Malum interdum simili arcendum. O combien est estrange Des choses la meslange, Quelle mutation Se saiél en la nature, Et quelle mixtion Quelquefois elle endure! Le froid & la tourmente Faict la chaleur ardente, En de l'humide mer Nous voyons vne femme Iusques à nous ramer Plus seche que la flamme. On dict que la deesse Cyprienne, maistresse Des amours douloureux, Est sortie de i'onde, Et rendit furieux Iupiter dieu du monde. Mesme toutes les troupes Qui habitent les croupes De l'Olympe esclairant Auecque les sagettes De son fils tout-bruslant Luy deuindrent subiectes.
[pagina 37]
Eust peu doncques l'Affrique Nous estre plus inique Par vn monstre nouueau? Qui fuira l'est incelle Puis qu'il nous vient de l'eau Vne semance telle? Faut-il que lon appaise Vne si grande braize Auec l'humidité? Mais il faut que tu veille Pour estre en liberté A ce que ie conseille. Cherches-en allegeance La où le mal commence: Iadis de ce danger Par vne telle addresse Se sceut bien descharger L'amoureuse ieunesse. Car le eu plus ne dure N'ayant sa nourriture Mets le coeur amoureux Auecques l'amour mesme Et le feu chaleureux En la chaleur extrême. Et ainsi ie confesse Que Venus la deesse Prist sa naissance en mer, Et que par ainsi faire Tu pourras consumer La force du contraire.