De Gulden Passer. Jaargang 60

7. In copia minor error.

Vn renard caut & fin par la terre trainoit

Sa longue & large queüe, & le singe rioit,
Disant qu'el' ne seruoit que d'inutile charge.
Le renard luy despond que d'vne queüe large
Il valoit beaucoup mieux recouurir amplement
Cela qui est vilain, que d'avoir ordement
Tousiours par vn deffaut les fesses descouuertes.
Les raisons du renard furent bien plus disertes,
Car il est plus commode auoir beaucoup, que rien
De ce qui est honneste & de ce qui sert bien.
La grande chicheté de l'auare on desprise,
Et du prodigue est moins coupable l'entreprise:
Car il approche plux que l'auaricieux
De cela qui l'on dict estre bien vertueux.