De Gulden Passer. Jaargang 58-59

Versura inextricabilis.

73.

Versvram facio, quod soluo debeo semper,

Promouet & quantam pes, tenet alter item.

Nomina conficiens mihi non, sed lucror amicis;

Pro me, proq́ue aliis angor, vtrunque nocet.

Alterius qui vult opulentior esse crumena,

Non sua connumerat, pars ea maior abit.

Quanto esset satius curarum demere partem,

Ac tenui, modò sit commoda, vesti tegi?

Quid mihi si plumis alienis induor, intus.

Nil proprium quod sit postmodò possideam?

Turgida nunc Phoebe lucet, nunc indiga prorsus

Fit: nam quod monstrat, fratris ab orbe tulit.