De Gulden Passer. Jaargang 58-59

Sapientia insipiens.
Arnoldo Arlenio suo.

71.

A' cerebro sensus manant in corporis artus,

Sed tamen exhibiti muneris auctor eget.

Quod mouet est expers motus, mirabile dictu,

Viuidus & vacua spiritus arce datur.

Haud secus ad cotis ferrum, licèt ipsa secandi

Exors, communit, donat acumen hebes.

Qui sua distribuunt, aliisq́ue cauere videntur,

Cur sapere hos dicas? re sine nomen habent.

Proximus esto tibi, vicinum deinde iuuato:

Sic potes alterna commoditate frui.

Ne cuiuis credas: mores Arnolde vetustos

Cum libris frustra quaerimus Orbe leui.