De Gulden Passer. Jaargang 58-59
(1980-1981)– [tijdschrift] Gulden Passer, De–
Auteursrechtelijk beschermd
[pagina 85]
| |
52.
Qvae ratio belli sit, qua virtute Ducemq́ue
Instructum cupiam, si praestet fortibus ausis,
Ni piget, en breuibus declarat symbolon istud.
Consilio celerem decet, eloquióue potentem
Esse Ducem vt caueat, tardos, Martisq́ue perosos
Exacuat, regat, inflectat sermone suaui.
Cùm proprium est paret arma, nocet cunctatio vana,
Infractusq́ue animo reliquis praecurrat in hostem.
Anguibus & studium pacis, foedusq́ue notatur.
Nil tamen haec prosunt, vacua estq́ue scientia belli,
Si fortuna nocet, pulchros confundat & orsus.
Absit auarities, dominetur nulla cupido,
Principis vt sequier possit vestigia miles,
Quem videat propriis parentem legibus vsque.
Hunc fore victorem credas, dignisq́ue triumphis
Imperioq́ue ferentem aeui venientis honores.
 |
|
